Kryetari i Partisë Demokratike, Sali Berisha e ka konsideruar si kërcënim të hapur ndaj prokurorit dhe gjykatësit të dosjes së Belinda Ballukut postimin e Kryeministrit Edi Rama, që citonte thëniet e Robet Xhekson për drejtësinë. Berisha thotë se ky është kërcënim i hapur kundër atyre që vendosën pezullimin e Belinda Ballukut nga posti i zv.Kryeministres. Berisha shkruan në rrjetin e tij social facebook se Rama, para se të niste shqyrtimi në gjykatë, citonte një prokuror amerikan për të dërguar “mesazhin mafioz”, duke e lidhur këtë me aferat korruptive të Ballukut dhe Ramës. Berisha thekson se pezullimi i Ballukut u bë në përputhje me ligjin dhe Kushtetutën, ndërsa akuzon Ramën se është i gatshëm të kryejë çdo krim për pushtet. Kryetari i PD, Sali Berisha denoncon kërcënimin si akt mafioz dhe paralajmëron se kjo duhet të shërbejë si sinjal për rrezikun që paraqet qeverisja aktuale ndaj drejtësisë.