Ambasadorja e Shteteve të Bashkuara të Amerikës, Yuri Kim ka zhvilluar një takim me kreun e Këshillit të Lartë të Prokurorisë, Gent Ibrahimin. Në momentin kur opinioni publik dhe diskutimi politik është në tension për shkak të zgjedhjeve të 25 Prillit, diplomatja ameriakane sjell në fokus çështjen e garantimit të shtetit të së drejtës. Amabasadorja amerikane nëpërmjet një postimi në rrjetin social twittër ka dhënë një mesazh ndaj atyre që ajo i ka cilësuar kundërshtarë të reformës në drejtësi. “Ky është një moment i rëndësishëm për Reformën në Drejtësi - e cila ka përparuar mjaftueshëm për të trembur kundërshtarët por jo aq mjaftueshëm sa për të kënaqur njerëzit. Institucionet e reja gjyqësore si Këshilli i Lartë i Prokurorisë - ku SHBA & të tjerë kanë investuar shumë - duhet të dalin nga modelet e vjetra. Është koha për të treguar guxim”, shprehet ambasadorja amerikane.