Pas mbërritjes në aeroportin “Nënë Tereza” të 40 mijë e 800 dozave të vaksinës AstraZeneca nëpërmjet instrumentit Covax ka reaguar nëpërmjet një postimi në rrjetin social twitter edhe ambasadori i Bashkimit Europian në Shqipëri, Luigi Soreca. Soreca shprehet i lumtur që Shqipëria po imunizohet dhe po avancon në luftën e saj ndaj koronaviruasit. Diplomati thekson edhe kontributin financiar që dha Bashkimi Europian për këto doza vaksinash, i cili arrin shifrën e 2.2 miliardë euro. Luigi Soreca ka tregur mbështetjen e plotë të Bashkimit Europian për Shqipërinë për të bërë të mundur imunizimin sa më shpejt të popullatës dhe kapërcimin e krizës së koronavirusit. Pritet që në ditët në vijim të mbërrijnë edhe 250 mijë doza vaksinash teksa procesi vaksinimit po vijon me ritme të shpejta. Shifra totale e të vaksinuar në vend ka arritur në 324 mijë e 840 persona të vaksinuar.