“Me historinë në mendje, ne shikojmë drejt së ardhmes dhe gjithçka që mund të arrijmë së bashku gjatë shekullit të ardhshëm.” Me këtë mesazh, Departamenti Amerikan i Shtetit vlerësoi partneritetin e fortë mes Shqipërisë dhe Shteteve të Bashkuara të Amerikës, që nga deklarata e presidentit amerikan Woodroë Wilson e deri tek presidenca e Shqipërisë në Këshillin e Sigurimit. Miqësia, demokracia, mbrojtja dhe biznesi cilësohen nga Departamenti Amerikan i Shtetit si shtyllat kryesore ku bazohet partneriteti mes Tiranës dhe Uashingtonit. Një shtyllë e fortë në marrëdhëniet dypalëshe është angazhimi i përbashkët ndaj demokracisë. Mbështetja e Shteteve të Bashkuara të Amerikës do të vazhdojë për reformën në drejtësi, shoqërinë civile, median dhe procesin zgjedhor në Shqipëri. Programimi i ndihmës së SHBA-së, po ndihmon Shqipërinë të përmirësojë transparencën dhe llogaridhënien e qeverisë, të forcojë institucionet e drejtësisë në shërbim të publikut, të rrisë kapacitetin e shoqërisë civile dhe të luftojë korrupsionin, të gjitha këto kontribojnë në rrugën e saj të anëtarësimit në Bashkimin Europian.