Me maske në fytyrë edhe pse në ambjent të hapur, e me mushama për t`u mbrojtur nga shiu, kryeministri Edia Rama zgjodhi një ditë të vështirë për inspektimin e lagjes së re në Fushë Krujë, ku me përfundimin e infrastrukturës tani po punonet për ndërtimin e banesave që do të strehojnë familje të mbetura pa një kulm mbi krye pas tërmetit shkatërrues të 26 nëntorit. Rama kërkoi përpjekje maksimale nga ana e firmës ndërtuese, edhe pse kushtet e motit që po vijnë në përkeqësim. Pavarësisht motit do të punojmë pa pushim. Pësuam një vonesë jashtë vullnetit tonë me ndalimin komplet nga karantina e përgjithshme. Vështirësohet puna për shkak të motit por kjo është sakrifica që duhet të bëjmë. Nuk duhet të vonohemi më tutje sa të kemi mundësi. Kreu I ekzekutivit, që këtë fundjave njoftoi se nga dita e enjte, maska do të jetë e detyrueshme në cdo ambjent, edhe në rrugë, nuk la pa e shpotitur keyebashkiakun Artur Bushi që e shoqëronte, duke I kujtuar detyrimin për të mbuluar fytyrën, si për t`i thënë keshtu se zyrtarët duhet ta japin shembullin të parët. “Duhet të vësh maskën, është me detyrim kudo përveçse në shtëpi”-ishte komenti I kryeministrit.