Derek Chauvin Ish-oficeri i policisë së Mineapolisit, u shpall fajtor për vrasjen e afrikano-amerikanit, George Floyd, një çështje që shkaktoi protesta dhe dhunë në të gjithë botën. Juria me gjashtë anëtarë të bardhë dhe gjashtë anëtarë me ngjyrë, e morën vendimin pasi diskutuan per rreth 10 orë gjatë dy ditëve me një shtet në ankth se mund të plasnin trazira të tjera. Në sheshin George Floyd në Mineapolis, kryqëzimi ku u vra zoti Floyd emrin e te cilit e mori sheshi ne nder te tij, njerëzit brohorisnin dhe duartrokisnin. Ai shesh ishte kthyer që atëherë në një pikë grumbullimi për protestat e drejtësisë racore. Ndërsa foli për mediat edhe avokati i familjes Floyd, Benjamin Crump. "Drejtësia për afrikano-amerikanët është drejtësi për të gjithë Amerikën," "Ky rast është një pikë kthese në historinë amerikane për përgjegjësinë e zbatimit të ligjit dhe dërgon një mesazh të qartë që ne shpresojmë që të dëgjohet qartë në çdo qytet dhe çdo shtet." Nga ana tjetër Presidenti Joe Biden dhe Nënpresidentja Kamala Harris e ndoqën dhënien e vendimit së bashku me stafin e tyre në Shtëpinë e Bardhë, ku më pas u dkelaruan për mediat. "Sot ne marrim frymë të lehtësuar por kjo nuk e zhduk dhimbjen. Një vendim i drejtë nuk është i barazvlefshëm me drejtësi të barabartë. Ky vendim na sjell një hap më afër, dhe fakti është që kemi akoma punë për të bërë për të reformuar sistemin. ”,