Ish kryeministri italian Matteo Renzi ka propozuar që NATO dhe BE ti kërkojnë ish kancelares gjermane, Angela Merkel, të bëhet ndërmjetëse për të zgjidhur krizën mes Rusisë dhe Ukrainës. “Ajo është e vetmja që mund të flasë në Moskë, Uashington dhe kryeqytete të tjera dhe të dëgjohet”, ka thënë Renzi për gazetën italiane la Stampa. “A duhet ta lëmë atë të shijojë pensionin ndërsa bota po kthehet në rrënoja?” pyet Renzi. Merkel flet rusisht dhe ka patur shumë takime me presidentin rus Vladimir Putin gjatë 16 viteve të saj si kancelare e gjermanisë, që përfunduan dhejtorin e shkuar. Nga ana tjetër Renzi, udhëhoqi qeverinë italiane mes shkurtit 2014 dhe dhjetorit 2016. Në një postim në tëitter dy ditë më parë ai tha se NATO dhe BE duhet të zgjedhin merkelin si të dërguar speciale për Putinin, për shkak se ajo është e respektuar dhe ka mjaftueshëm ndikim për ta ndaluar këtë masakër. Në anën tjetër, këtë të dielë, Fahrettin Altun, zëdhënës i presidentit turk Recvep Tayyip Erdopgan, ka propozuar këtë të fundit si ndërmjetës. “Një tjetër luftë në rajonin tonë. Presidenti Erdogan është ofruar të ndërmjetësojë mes Rusisë dhe Ukrainës ndërsa ne kemi një marrëdhënie të fortë me të dyja vendet. Ai ka kërkuar edhe për një qëndrim unik të aleatëve të NATO-s”. Në të njëjtën linjë, edhe kryeministri izraelit Naftali Bennet, foli këtë të dielë me Putinin për konfliktin në Ukrainë dhe i tha atij se ishte i gatshëm të vepronte si ndërmjetës në konflikt, sipas shtypit rus dhe izraelit.