Kancelarja gjermane Angela Merkel e pranoi se vendi I saj është në mesin e valës së tretë të pandemisë së koronavirusit. Dy burime që ishin pjesëmarrëse në takimin e shefes së ekzekutivit me partinë e saj konservatore e pohuan këtë për agjencinë e lajmeve Reuters. Kancelarja theksoi se e kanë paralajmëruar që lehtësimi I masave të bëhet në mënyrë shumë graduale. “ Nuk I lejojmë dot vetes ulje ngritje në këtë situatë”, ishte komenti I saj, duke sugjeruar se do të donte që kthimi në jetën normale të bëhet me kujdes, për të shmangur rivendosjen e masave të bllokimit. Mbyllja e të gjitha bizneseve jothelbësore dhe kontrollet kufitare me Austrinë dhe Republikën Çeke - ku ka pasur shpërthime të rasteve me një variant më infektues të koronavirusit - thuhet se e kanë ndihmuar Gjermaninë që të zvogëlojë normën e infeksioneve ditore. Por, fushata e ngadalshme e vaksinimit dhe rreziku i shpërthimeve të varianteve të reja mund ta bëjnë më të vështirë lehtësimin e masave kufizuese. Që nga fillimi i pandemisë në pranverën e vitit të kaluar, Gjermania ka regjistuar mbi 2.3 milionë të infektuar me koronavirus dhe mbi 68,000 viktima.