Shpërthimi I koronavirusit në disa zona kish në rajonin e Tyrolit, I cili u bë shkas për një përhapje të gjerë të sëmundjes, dhe menaxhimi I dobët që iu bë asaj situata sipas një organizate private në Austrisë, ka bërë që kjo e fundit të depozitojë një padi civile kundër ekzekutivit austriak. Padinë e përbashkët të pushuesve nga 45 vende të ndryshme të botës e paraqiti Asociacioni për Mbrojtjen e Konsumatorëve. Personat në fjalë ishin pushues në pikën turistike të Ischgl kur u përhap virusi, të cilin sic thonë, ata e dërguan në vendet e tyre. infektimi I parë në Ischgl u shënua ne 7 mars, megjithatë Agjencia për Shëndetin Publik në Austri beson që rastet e para atje mund të kenë qenë nga 5 shkurti. Asociacioni për Mbrojtje të Konsumatorëve, ka thënë se katër raste civile do të dorëzohen në emër të individëve dhe të gjitha janë të lidhura me këtë fshat turistik.Pushuesit janë duke kërkuar dëmshpërblim në vlerën e 100,000 eurove. Shumica e tyre janë nga Gjermania, por në këtë grup përfshihen edhe banorë të Austrisë, Mbretërisë së Bashkuar dhe Shteteve të Bashkuara.