Italia do të mbetet e palëkundur në mbështetjen e saj për Ukrainën dhe se ngërçi aktual në luftë tregoi se përgjigja perëndimore ndaj pushtimit rus ndaj fqinjit të saj ishte e duhura. Kryeministrja italiane Giorgia Meloni gjatë një konference në kuadër të forumit TEHA që po zhvillohet në Itali ka përsëritur qëndrimin e saj të pandryshuar ndaj Ukrainës. “Unë kurrë nuk kam ndryshuar mendje për Ukrainën dhe Italia njihet për qëndrime serioze. Unë mendoj se ne nuk duhet të dorëzohemi dhe nuk duhet ta lëmë Ukrainën në fatin e saj sepse kjo do të sjellë kaos dhe jo paqe. Dhe unë nuk e bëj këtë. Me Zelensky diskutuam se si të vazhdojmë të punojmë për të arritur një paqe të drejtë”, deklaroi ajo “Unë besoj se Kina dhe India kanë një rol për të luajtur në zgjidhjen e konfliktit. E vetmja gjë që nuk mund të ndodhë është të besojmë se konflikti mund të zgjidhet nëse largohemi nga Ukraina”, ”Këtë ua thashë edhe homologëve të mi kinezë është shprehur Meloni.