Kryeministrja italiane, Giorgia Meloni u takua me prezidentin e zgjedhur amerikan Donald Trump. Takimi u realizua në rezidencën e Trump në Florida ndërsa vizita e kryeministres italiane ishte jo zyrtare. Zyra e shtypit e kryeministres Meloni po ashtu dhe ajo e Trump ndanë disa fotografi nga takimi në hyrje të rezidencës, ku ata shfaqen të qeshur dhe më pas duke biseduar. Ndëkrohë nuk janë dhënë hollësi mbi vizitën e Melonit dhe mbi atë se çfarë dy liderat kanë diskutuar. Fotografitë e dy liderëve konservatorë afër njëri-tjetrit janë publikuar edhe në faqet e para të të gjitha gazetave italiane. Meloni ashtu si dhe kryeministri I Kanadaës apo ai hungarezë, janë nga të paktët lidera që kanë takuar Trumpin para se ai të marrë detyrën në krye të Shtëpisë së Bardhë më 20 Janar. Ndërkohë takimi vjen dhe para vizitës katër ditore që presidenti amerikan Joe Biden do të zhvillojë në Romë.