Më 4 shtator, Giorgia Meloni do të bëhet kryeministrja që ka shërbyer për një kohë më të gjatë pa ndërprerje në Itali që nga koha e Benito Mussolinit. Që nga marrja e detyrës në tetor 2022, ajo ka parë kryeministra në Britani, Francë dhe Holandë të vijnë e të shkojnë. Duke u ngjitur në pushtet si një populiste e ekstremit të djathtë, ajo ka riformësuar politikën italiane dhe e ka vendosur veten në qendër të saj. Sigurisht, pozicioni i Melonit dhe partisë së saj Fratelli d’Italia nuk është i palëkundur. Rritja ekonomike është minimale: në tremujorin e dytë, PBB - ja u rrit me një normë vjetore prej 1%. Deri në fund të vitit, Italia pritet të zëvendësojë Greqinë si shteti i eurozonës me normën më të lartë të borxhit publik. Ndërkohë, një parti e re ka dalë në të djathtën ekstreme, e udhëhequr nga një ish-gjeneral, Roberto Vannaçi. Ajo ka tërhequr dezertorë nga aleati i koalicionit të Fratelli d’Italia, por nuk përbën shqetësim për pushtetin e Melonit.