Kabineti i ri qeverisës në Itali duket se po merr formë pasi liderja djathtiste Giorgia Meloni, që pritet të jetë kryeministrja e re, sheshoi tensionet me partnerin e saj në koalicion, Silvio Berluskoni në lidhje me poste kyce ministrore. Vëllezërit e Italisë, e Melonit, udhëhoqi një aleancë të djathtë, që përfshin Forza Italian e Berluskonit dhe Legën e veriut të Matteo Salvinit. Koalicioni fitoi zgjedhjet muajin e kaluar duke premtuar stabilitet politik në vend pas vitesh qeveri jetëshkurtra. Sidoqoftë, tensionet kanë qenë të larta në aleancë, kryesisht pasi senatorët e Forza Italia-s, refuzuan javën e kaluar të mbështesnin zgjedhjen e Injacio la Rusa-s, nga partia e Melonit, si kryetar të senatit. Burimet thonë se Berluskoni ishte i zemëruar me Melonin për shkak të hezitimit nga ana e saj që të pranonte disa prej kërkesave të tij për poste qeveritare, por dy liderët duket se i zgjidhën mospajtimet mes tyre në një takim të hënën. Tani, zyrtarë të koalicionit thonë se shpresojnë që qeveria e re do të bëjë betimin që në fillim të javës së ardhshme. Mendohet se partia e Berluskonit do të marrë ministrinë e jashtme ndërsa shefi i legës së veriut, Matteo Salvini, do ti bashkohet kabinetit pavarësisht se nuk është e qartë se cfarë roli do të ketë ai.