Në një shfaqje force ndaj perëndimit, rusia njoftoi se testoi me sukses raketën më të madhe bërthamore në botë. Bëhet fjalë për raketën Sarmat, me aftësi bërthamore, e njohur ndryshe si Satan-2. Raketa ndërkontinentale 208 tonëshe, që kap një shpejtësi prej 25 mijë km në orë dhe është e lartë sa një kullë 14 katëshe. Komandanti i Forcave Strategjike të Raketave Sergei Karakayev i tha udhëheqësit rus se testi kishte qenë i suksesshëm pas javësh pritje të lëshimit. Putini, dukshëm i vetëkënaqur e cilësoi armën si "sistemin më të fuqishëm të raketave në botë" dhe këmbënguli se nuk mund të ndalej nga mbrojtjet perëndimore. “Rendimenti total i kokës luftarake që ajo mban është më shumë se katër herë më i madh se ai i çdo ekuivalenti ekzistues dhe më të fuqishëm perëndimor. Më e rëndësishmja, raketa mund të udhëtojë jo vetëm në një trajektore balistike, por edhe në një trajektore suborbitale. Së treti, kjo lejon një rreze veprimi prej më shumë se 35,000 kilometra, duke dyfishuar njëkohësisht performancën e saj. Dhe së fundmi, ajo ka aftësinë të çajë të gjitha sistemet ekzistuese dhe të ardhshme të mbrojtjes nga raketat”, tha putin duke premtuar se Sarmat do të jetë e gatshme për detyra luftarake në fund të këtij viti.