Kryeministri Edi Rama ka pritur në ambjentet e kryeministrisë nxënësit që kanë përfundur studimet e arsimit të mesëm me reultate të shkëlqyera. Në kryeministri u zhvillua ceremonia e dhënies së “Medaljes së Artë” për gjimnazistët ekseletë, ku e pranishme ishte edhe ministrja e arsimit, Evis Kushi. Gjatë fjalës së tij Rama u bëri thirrje të rinjve të këmbëngulin drejt suksesit. “Sot para jush kam nderin që t’i drejtohem pjesës më të mirë dhe më të bukur të shoqërisë sonë, vajzave dhe djemve që nuk i vënë kufijtë imagjinatës së tyre dhe nuk kapen pas 100 e më shumë justifikimeve të mundshme, por bëjnë sukses. Ëndrra që shikoni më sy hapur është aty për ju dhe nuk vjen rastësisht. Ajo ju thotë që ju jeni bërë për ta realizuar, por ju takon juve, i takon njeriut sepse ndryshe do t’ja dilnim të gjithë. Shumë mirënjohje për forcën e shembullit tuaj. Arsyeja përse doja ta ndaj me ju këtë moment është që të gjithë ata që na ndjekin të marrin shembull.”