Pas paralajmërimeve për tu evakuuar nga zona, shumë palestinezë u larguan nga Gaza. Ata marshuan më këmbë drejt jugut pranë një “zone humanitare” rreth 25 kilimetra larg qytetit. Një fotograf i AFP-së pa shumë palestinezë që largoheshin në këmbë, duke mbajtur gjërat e tyre nëpër rrugët e rrënuara nga raketat. Agjencia humanitare e OKB-së OCHA vlerësoi se "rreth 60,000 deri në 80,000 njerëz u zhvendosën" nga zona gjatë natës së së mërkurës deri të enjten. Hamasi tha se forcat izraelite po "fillonin një inkursion tokësor", duke raportuar "disa" të vdekur ndërsa "mijëra të tjerë vrapun nën bombardimet e pamëshirshme". Lufta filloi me sulmin e Hamasit në jug të Izraelit më 7 tetor, i cili rezultoi në vdekjen e 1,195 njerëzve, kryesisht civilë, sipas një raporti të AFP-së bazuar në shifrat izraelite. Militantët kapën gjithashtu pengje, 116 prej të cilëve mbeten në Gaza, megjithëse ushtria thotë se 42 janë të vdekur. Ofensiva hakmarrëse e Izraelit ka vrarë të paktën 37,765 njerëz, kryesisht civilë, sipas të dhënave nga ministria e shëndetësisë në Gazën e drejtuar nga Hamasi.