Maqedonia e veriut ka kërkuar të furnizohet nga Serbia me vaksinat ruse Sputnik V të cilat do të prodhohen në Serbi. Ministri serb i shëndetësisë Zllatibor Llonçar pas një takimi në Beograd me homologun e tij nga Shkupi, Venko Filipçe. ka bërë të ditur se 15 mijë maqedonas janë vaksinuar deri më tani në Serbi. Ata kryesisht kanë marrë doza të AstraZaneca-s, të cilat në Maqedoninë e Veriut nuk u jepen personave nën 60 vjeç. Ministri maqedonas Filipçe qëndroi në Institutin “Torlak” ku prodhohen vaksinat ruse, teksa ka rënë dakord që “ky institut të jetë partner strategjik për furnizmin me vaksina të Maqedonisë së Veriut në periudhën e ardhshmë”. Megjithatë, autoritetet maqedonase nga ana tjetër thonë se kanë bërë porositë për sasitë e duhura të vaksinave nga kompani të tjera që pritet, sipas tyre, të arrijnë deri në fund të muajit dhe muajin e ardhshëm. Ndërkohë, duke e prezantuar si gjest mirënjohjeje ndaj Serbisë, Qeveria e Maqedonisë së Veriut ka marrë vendim që qytetarët serbë t’i lirojë nga taksa rrugore nga 15 qershori deri më 15 gusht. Për këtë ka reaguar partia opozitare shqiptare Alternativa, e cila thotë se kështu bëhet diskriminimi i qytetarëve të venditt. Gjendja me koronavirusin ka nisur të qetësohet në javën e fundit, sipas njoftimeve të Institutit të Shëndetëit Publik, por shkalla e vdekshmërisë megjithatë mbetet e lartë, pasi Deri më tani kanë humbur jetën 4,500 njerëz. Pamjet: AFP