Që kur u shfaq për herë të parë një dekadë më parë, grupi militant Shteti Islamik Korasan (IS-K) i ka përqendruar kryesisht sulmet e tij në Afganistan dhe Pakistan. Por, IS-K, dega e Shtetit Islamik në Afganistan, po kryen një numër në rritje sulmesh vdekjeprurëse, jashtë bastionit të tij në Azinë jugore duke përfshirë edhe Iranin dhe Rusinë. Ekspertët thanë se sulmi vdekjeprurës në sallën e koncerteve në Moskë, më 22 mars, për të cilin u fajësua IS-K, tregon aftësinë dhe ambiciet në rritje të kësaj dege, por edhe rolin e saj udhëheqës në ombrellën e organizatës. “Kjo është bërë dega udhëheqëse ndërkombëtare e Shtetit Islamik”, thotë Lucas Ëebber, bashkëthemelues dhe redaktor i MilitantËire.com.