Akrepat e orës do të shkojnë një orë përpara, natën mes 25 dhe 26 Marsit, duke bërë që të fitojmë një orë dritë më tepër në mbrëmje. Ora ligjore do të qëndrojë në fuqi deri 29 Tetor. Ndryshimi i orës është propozuar për herë të parë në Evropë në vitin 1966 me qëllim për të kursyer kryesisht energji elektrike. Në vitin 2018 Komisioni Evropian propozoi anulimin e ndryshimit të orës, duke i lënë të drejtën çdo vendi të vendosë se cilën orë të aplikojë për gjithë vitin, ligjore apo diellore.