Pavarësisht motit të keq sërish policia rrugore ka hasur në disa ‘pilotë të rrugëve urbane’ në Tiranë. Sipas policisë në orët e mbrëmjes së të shtunës në aksin rrugor Sauk - Teg janë evidentuar 10 raste të shpejtësisë mbi normat e lejuara, shpejtësi që varionin 155 km/h deri 197 km/h. ‘Rekordin’ për shpjetësinë më të frikshme e arriti një 21 vjeçar nga Tirana, I cili u regjistrua, nga policia rrugore duke ‘fluturuar’ me 197 km/h. Ajo qe e bënte edhe më të rrezikshme këtë veprim të të riut është fakti se është kryer në kushte të lagështirës në rrugë, trafikut ende me fluks të lartë dhe aq më tepër që 21 vjeçari nuk kishte as 7 muaj nga data e pajisjes me patentë Sipas policisë si rezultat I këtyre kontrolleve janë arrestuar 7 drejtues mjetesh, nga të cilët, 4 për drejtim mjeti në gjendje të dehur dhe 3 për drejtim mjeti pa patentë. Gjithashtu përgjatë 5 orëve kontroll me radar e dragera, janë pezulluar 22 patenta, nga të cilat 10 për shpejtësi e 12 për alkool.