Qeveria e Mbretërisë së Bashkuar konfirmoi të mërkurën se kishte arrestuar një numër të madh emigrantësh të paligjshëm, pa dhënë numra, dhe se kishte nisur dëbimin drejt Ruandës. Lëvizja vjen një javë pasi ligjvënësit i dhanë fund mosmarrëveshjeve parlamentare dhe miratuan një ligj që lejonte deportimin e azilkërkuesve duke e shpallur Ruandën si një vend të tretë të sigurt. Legjislacioni i ri anashkaloi një vendim të Gjykatës së Lartë vitin e kaluar që thoshte se dërgimi i emigrantëve në Ruandë në këtë mënyrë do të ishte i paligjshëm sepse "do t'i ekspozonte ata ndaj një rreziku real keqtrajtimi". Ndërkohë Home Office ka publikua pamje ku tregon agjentë të cilët marrin disa prej emigrantëve të paligjshëm dhe më oas I nisin drejt aeroportit. Azilëkërkuesi I parë tashmë ka mbërritur në Ruanda ku është strehuar aty, ndërsa pret që shumë të tjerë ti bashkohen. Por në videon e publikuar autoritetet britanike i mbanin emigrantët me pranga, kjo pasi disa prej tyre ishin larguar nga qendrat strehimore. Pas nisjes së zbatimit të ligjit, policia ka nisur një valë arrestimesh. Ndërkohë nga ky ligj përjashtohen shqiptarët të cilët sipas marrëveshjes së nënshkruar mes kryeministrit Rama dhe atij Sunak do të kthehen në atdhe.