Ambasadorët e BE do të informohen në ditën e krishtlindjes për marrëveshjen e pas brexitit të arritur me britaninë e madhe. Kryenegociatori i BE, Michel Barnier, do të informojë diplomatët mbi marrëveshjen e arritur pas muajsh bisedime të vështira në lidhje me të drejtat e peshkimit dhe rregullat e biznesit. Britania e madhe do të dalë nga rregulloret tregtare të BE më 31 dhjetor, një vit pasi ajo la bllokun me 27 vende anëtare tashmë. Deputetët presin të shohin tekstin e plotë të marrëveshjes së tregtisë së lirë para votimit në parlament më 30 dhjetor. Laburistët thanë se ishte një marrëveshje e momentit të fundit por ata do ta mbështesin atë si alternativa e vetme përballë daljes pa marrëveshje, cka do të thotë se ajo do ta marrë miratimin. Edhe parlamenti evropian duhet ta ratifikojë marrëveshjen, por kjo nuk mund të ndodhë deri vitin e ardhshëm cka do të thotë se aplikimi i saj do të jetë i përkohshëm deri më atëherë. Një përmbledhje me 34 faqe e marrëveshjes, është publikuar ndërkohë në faqen e internetit të qeverisë britanike. Marrëveshja prej 1500 faqesh, me afro 1000 faqe anekse dhe shënime, do të publikohet së shpejti. Në një video me rastin e krishtlindjes, të postuar në tëitter mbrëmjen e të enjtes, kryeministri Boris Johnson, e quajti marrëveshjen, një dhuratë krishtlindjeje për të gjithë.