“Sulmi i tmerrshëm në izrael, ashtu si edhe sulmi në ukrainë, nuk do të kishin ndodhur kurrë nëse unë do të isha president. Nuk ka asnjë shans!’ Kështu është shprehur ish presidenti amerikan, donald trump pasi hamasi, grupi militant që qeveris gazën, nisi sulmin më të ashpër mbi izraelin në dekada, të shtunën e kaluar. Forcat e hamasit sulmuan qytetet izraelite nga toka, deti dhe ajri dhe lëshuan një mori raketash mbi pjesë të ndryshme të vendit. Trump në fakt, ka vendosur një rekord në ndihmën për kryeministrin izraelit Benjamin Netanjahu gjatë kohës së tij në shtëpinë e bardhë, duke njohur jeruzalemin si kryeqytet të vendit e duke zhvendosur ambasadën amerikane atje. Dicka të tillë, nuk e kishte tentuar asnjë prej paraadhësve të tij në shtëpinë e bardhë. Në një event në Ajoua, trump pretendoi se sulmi i Hamasit erdhi pasi SHBA shihet si e dobët dhe jo efikase dhe se vendi ka një lider të dobët. Komentet e fundit mbi luftën në izrael, nuk janë aspak të papritura nga Trump, i cili kur rusia nisi pushtimin e ukrainës deklaroi, dhe e përsëriti në shumë raste në vijim, se kjo nuk do të kishte ndodhur nëse Trump do të ishte president.