Një kapiten i spiunëve rusë është vrarë gjatë një operacioni sekret në Ukrainë, cka do të thotë se Vladimir Putin tashmë ka humbur një total prej 12 komandantësh në pushtim. Spiuni i inteligjencës ushtarake, GRU, kapiteni Alexey Glushchak, 31 vjec, nga Tyumeni në Siberi, u vra gjatë kasaphanës Mariupol por detaje të vrasjes së tij nuk janë bërë të ditura. Për shkak të fshehtësisë së madhe të operacionit ushtarak, rrethanat e vdekjes së heroit të Tyumenit, nuk do të publikohen”, thuhet në një deklaratë. GRU është shërbimi që qëndron pas helmimit me agjentin Novichok të ish spiunit të tij, Sergei Skripal në britani. Foto nga funerali i Glushchak në Rusi, janë publikuar, ku ai shihet të përcillet në banesën e fundit me nderime të plota ushtarake dhe me roja nderi. Në ditën që oficeri i inteligjencës ushtarake u vra, ai kishte folur me bashkëshorten dhe të ëmën në rusi – shkruajnë mediat ruse. Ai i kishte telefonuar për ti uruar për 8 marsin, por në të njëjtën ditë, në mbrëmje, ato kishin marrë lajmin e vrasjes së tij. Vdekja e tij koincidon edhe me episodet e para të shfaqjes së zemërimit me numrin e arkivolëve që po kthehen në rusi, edhe pse ata që zyrtarisht është pranuar se kanë rënë në luftime në Ukrainë, mendohet se janë vetëm një fraksion i vogël i numrit total, që edhe vlerësimet më të mira e cojnë në disa mijëra.