Festa e Pashkës në Shtëpinë e bardhë është reduktuar ndjeshëm në përmasa. Tani nuk ka më gjueti vezësh pashke në të cilën merrnin pjesë me qindra fëmijë, por sidoqoftë, lepurushi i pashkës është kthyer këtë vit duke suprizuar gazetarët...E në përputhje me rregullat anti covid, lepurushi mbante maskë mbrojtëse. Lepuri i pashkës është rikthyer në shtëpinë e bardhë pas një mungese atje prej më shumë se 1 viti, edhe pse tani me një luk të ri. Presidenti Joe Biden dhe zonja e parë, Jill Biden, u shoqëruan nga lepuri i pashkës të hënën gjatë një ceremonie në shtëpinë e bardhë për të shënuar festën dhe madje shfrytëzuan rastin që ti kërkojnë amerikanëve të vaksinohen. Madje, edhe gazetarët në sallën e konferencave për shtyp të shtëpisë së bardhë janë surprizuar nga i ftuari special. Me maskë mbrojtëse në fytyrë, lepurushi i pashkës, ndaloi pranë secilit prej tyre duke u dhuruar edhe vezën e pashkës. Vitin e kaluar, lepuri i Pashkës mungoi në shtëpinë e bardhë për shkak të pandemisë. Ky është viti i dytë radhazi që gjuetia e famshme e vezëve të pashkës në shtëpinë e bardhë, që mbahet tradicionalisht në lëndinën jugore dhe që tërheq me dhjetëra fëmijë, është anuluar për shkak të pandemisë. Ceremonia mbahet zakonisht që nga viti 1878.