Autori i aksidentit fatal me dy viktima në Durrës, Nikoll Radaçi është lënë në burg nga Gjykata e Durrësit. Para togave të zeza, ai u shfaq me kokën e ulur, ndërsa zgjodhi të mos fliste asnjë fjalë. Në gjyqin e mbajtur me dyer të mbyllura nuk u shfaq asnjë familjar, ndërsa avokatja e tij, e caktuar nga shteti, theksoi se 57 vjeçari është në gjendje të rënduar emocionale. “Sapo mbaroi seanca. Unë isha e ftuar nga shteti për të siguruar mbrojtjen. U vendos masa arrest në burg. Ai është akuzuar për tri vepra penale. Autori dukej në gjendje shoku, ishte i rënduar psikologjikisht. Nuk ishte asnjë familjar prezent”, u shpreh avokatja. Autori i aksidentit është braktisur nga familja, e cila nuk ka pranuar as që t’i marrë avokat. Po ashtu, raportohet se familja e tij janë larguar nga banesa ku jetonin në të njëjtën rrugë me familjarët e 3 fëmijëve të aksidentuar.