Gjyqtarja e Gjykatës së Tiranës, Arnisa Këlliçi është kërcënuar me jetë. 'E dashur gjyqtare Arnisa! Keni dy femijë dhe mendoni për ta! Se mund te rroni ju e jo ata dhe kjo është e rëndë! Me respekt', thuhet nw mesazhin e marrw prej saj kwtw tw shtunw. Letra me shkrim dore, besohet se është shkruar nga një i burgosur. Përballë këtij kërcënimii gjyqtarja ka kërkuar nga Këshilli i Lartë Gjyqësor t'i mundësohet mbrojtje e posaçme. 'Para pak ditësh më është bërë me dije nga Kancelari i kësaj Gjykate që kundrejt meje, gjyqtares Amisa Këlliçi, ka patur një kërcënim me jetë. Për këtë fakt unë nuk kam prova, por më është bërë me dije se ka një kallëzim të depozituar nga ana e Kancelarit të Gjykatës së Shkallës së Parë të Juridiksionit të Përgjithshëm Tiranë. Sot më datë 20.01.2024, më ka ardhur një letër kërcënuese, që me aq sa mund të deshifroj përmban kërcënime për mua, fëmijët e mi dhe familjen time', thuhet nw kwrkeswn qw gjyqtarja i ka dwrguar KLGj-sw. Deri në mbledhjen e komisionit të posaçëm për mbrojtjen e gjyqtarëve dhe prokurorëve, sipas burimeve të Top Channel, Policia e Shtetit ka marrë në mbrojtje gjyqtaren e Gjykatës së Shkallës së Parë në Tiranë, Arnisa Këlliçi. Muajt e fundit janë dyfishuar truprojat speciale që do të ruajnë prokurorët dhe gjyqtarët që kërcënohen nga krimi apo nga të korruptuarit. Nga 49 forca struktura e re e Njësisë së Mbrojtjes së Veçantë është kthyet në super njësi me 103 persona. Njësia e Mbrojtjes së Veçantë ka buxhet më vete dhe parashikon një strukturë tjetër speciale njësia operacionale. Shtatë prokurorë dhe gjyqtarë ruhen aktualisht për shkak të kërcënimeve dhe dosjeve të forta që kanë nën hetim.