Dosja në ngarkim të dy ish-prokurorëve të Sarandës Kledian Llaho dhe Çlirim Shahini si dhe dy të akuzuarve të tjerë biznesmenit Vasil Bakalli dhe Pando Papuçit ka kaluar në gjykim. GJKKO pranoi këtë të enjte kërkesën e SPAK. Ish-prokurorët e Sarandës dyshohet se u përfshinë në një aferë korrupsioni për zbutjen e masës së sigurimit ndaj Pando Papuçit, i cili ishte shpallur në kërkim për ndërtim pa leje. Sipas dosjes së SPAK, Llaho dyshohet se mori 30 mijë euro nga miku i tij, biznesmeni Vasil Bakalli. Ky i fundit provohet se vlerat monetare i ka marrë në shtetin grek. Ndërsa prokurori, Çlirim Shahini mendohet se ka marrë 25 mijë euro në këmbim që t’i kërkonte gjykatës masën “detyrim paraqitje” për Papuçin. Sipas SPAK vetëm për ndryshimin e masës u paguan 55 mijë euro. Dy prokurorët Kledian Llaho dhe Vasil Bakalli do të përballen në gjykatë me veprat panale të Korrupsiuonit pasiv dhe ushtrimit të ndikimit të paligjshëm ndaj funksionarëve publikë. Kurse dy të pandehurit e tjerë vetëm për atë të Ishtrimit të ndikimit të paligjshëm ndaj funksionarëve publikë. Ndërkohë Pando Papuçi ka kërkuar gjykim të shkurtuar.