Kandidati i së djathtës, Daniel Noboa fitoi balotazhin, duke u bërë kështu presidenti më i ri që ka mbajtur ketë post në historinë e Republikës së Amerikës së Jugut. 35-vjeçari mori 52 përqind të votave duke kaluar sfiduesen e tij Luisa Gonzalez , e cila kishte fituar raundin e parë më 20 gusht dhe kishte marrë 47,71% të preferencave. Noboa do të qeverisë vetëm për një vit e gjysmë, duke përfunduar legjislaturën pas dorëheqjes së ish-presidentit Guillermo Lasso . Noboa është djali i Alvaro Noboa, njeriut më të pasur në Ekuador, i cili ka humbur zgjedhjet presidenciale 5 herë. Gjatë fushatave elektorale të dy raundeve të votimit, presidenti i sapozgjedhur u përpoq të shfaqej si një personalitet jashtë establishmentit, ndërkohë që siguroi se do të forconte modelin e tregut të lirë që ekziston në vend.