E quanin “Profesori”, bosin mafioz simbol të pushtetit, dhunës por edhe karizmës. Raffaele Cutolo, themelues I Nuova Camorra Organizzata, ndërroi jetë në moshën 79 vjecare pa u penduar e pa kërkuar kurrë ndjesë për asgjë. Pavarësisht viteve të kaluara në burg, fuqia e tij mbeti e madhe, thonë mediat në Itali. është mbajtur në burg që prej 1979-tës pas arrestimit të tij në Albanellam në provincën e Salernos. Një vit përpara kësaj ishte arratisur në mënyrë spektakolare mes bombave nga spitali psikiatrik I Aversas. Vrasjen e parë e kreu për nder në mbrojtje të të motrës, Rosetta nga ngacmimet e një të riu të zonës. Pas vdekjes së tij, gazetari Roberto Saviano shkroi në Facebook se : “Raffaele Cutolo ishte një bos i fuqishëm, më shumë sesa një kryeministër, apo një admiral. Një fuqi që e ruajti edhe pse kaloi thuajse gjithë jetën në burg. Sekretet që mori me vete në varr nuk arritën të shantazhonin politikanët që e përdorën. Njeri i dhunshëm dhe i dëshpëruar, i lindur nga një territor i dhunshëm dhe i dëshpëruar”. Cutolo u shkëput nga Camorra tradicionale në 1941-shin për të krijuar grupimin e tij mafioz. Mbi super kishte disa dënime me burgim të përjetshëm dhe ishte protagonist I asaj që mund të konsiderohet ndoshta si lufta më e përgjakshme mes grupeve të krimit të organizuar.