Një grua e diagnostikuar me HIV përpara pothuajse 30 vjetësh mund të jetë shëruar nga virusi – pa marrë mjekim dhe pa bërë një transplant të rrezikshëm të palcës së shtyllws kurrizore. Shkencëtarët e kanë studiuar prej kohësh rastin e Loreen Willenberg. 66 vjecarja këmbëngul se nuk ka marrë asnjë medicament për ta mbajtur virusin nën fre dhe mjekët pohojnë se trupi i saj e ka luftuar infeksionin natyrshëm. Akademikët tani janw tw bindur se Loreen mund t`i shtohet “listës zyrtare të pacientëve të shëruar nga HIV” dhe të tillë në botë ka vetëm dy: “pacienti i Berlinit” Timothy Ray Broën dhe “pacienti i Londrës”, Adam Castillejo. Si Broën, edhe Castillejo kanë bërë transplante të palcës. Willenberg, e diagnostikuar në 1992-shin, konsiderohet një “ kontrolluese elitare” për shkak se zotëron aftësinë e jashtëzakonshme ta shtypë virusin vetë, dhe nuk i është nënshtruar kurrë trajtimit të rrezikshëm. Kërkuesit e Institutit Ragon të MGH, MIT dhe Harvardit nuk gjetën asnjë gjurmë të sëmundjes në trupin e gruas nga Kalifornia, ndonëse i përsëritën disa herë testet standarte për të. Teknologjia e avansuar, përmes së cilës u analizuan 1.5 miliardë qeliza të kuqe nga gjaku I 66 vjecares zbuluan sasi të vogla të virusit, cka do të thotë se ajo nuk e ka zhdukur krejtësisht. Por sistemi i saj imunitar ka qenë aq i fortë, sa nuk i ka lejuar mbetjet e HIV-it në organizëm që të riprodhohen, duke I detyruar te lene pas vetëm gjurmë të tyre.