Juristi Jordan Daci nëpërmjet një postimi në rrjetet sociale ka reaguar pas përfshirjes së emrit të tij në listën zyrtare të kandidatëve për Këshillin e ri Kombëtar të Partisë Demokratike. Përmes një deklarate sqaruese, Daci ka thënë se ky propozim është bërë pa dijeninë dhe pa pëlqimin e tij, duke kërkuar që emri i tij të hiqet menjëherë nga procesi i votimit në Kuvendin e PD-së. ‘Më duhet të shprehem qartë se nuk pajtohem me përfshirjen e emrit tim në këtë proces dhe kërkoj që ai të mos konsiderohet si shprehje e vullnetit tim personal, profesional apo publik.’-thuhet në deklaratën e Dacit. Juristi është shprehur se nuk gëzon statusin e anëtarit të PD-së dhe se nuk ka paraqitur asnjë kërkesë.