Vladimir Putin pritet të zëvendësojë grupin e mercenarëve Vagner me ushtarët mizorë cecenë, pas vdekjes së jevgeni Prigozhinit. Një raport shqetësues, i publikuar së pari në maj, sugjeronte se kremlini mund të kthehet nga cecenët për të rimarrë kontrollin në disa pjesë të ukrainës, një shqetësim që është rishfaqur javët e fundit. Ushtarët cecenë, ose kadirovitët, sipas emrit të liderit të tyre Ramzan Kadirov, kanë ndihmuar rusinë në operacionet e saj ushtarake që nga fillimi i viteve 2000. Vetë Kadirov dikur kishte një llogari në instagram ku ai pëlqente të shpaloste pasurinë e tij para se të ndalohej, por vazhdon ti mbajë të informuar fansat përmes rrjeteve sociale ruse dhe telegramit. Lordi i luftës po ashtu është fiksuar në foto me njerëz të famshëm, mes të cilëve ylli i hollivudit Liz Hurley apo futbollistët Ronaldinjo dhe Mohamed Salah. Por, lideri cecen ka një preferencë të vecantë për torturat, vrasjet, rrëmbimet dhe raprezaljet anti-gej, dhe mund të dërgojë ushtarët e tij tani në krye të ofensivës në Ukrainë. Instituti për studimet e luftës ka lëshuar alarmin për kadirovitët, vetëm tre javë para se trupat e Vagnerit të dërgoheshin në Bjellorusi pas rebelimit të dështuar të tyre. “Kremlini mund të jetë duke u përpjekur që të rikthejë kadirovitët si një forcë kryesore sulmuese pas rënies së vagnerit dhe tërheqjes së tyre nga vija e frontit”, tha Instituti. Kremlini sipas tij, mund ti perceptojë njësitë cecene si një forcë sulmi të pakufizuar që mund të kthejë aftësinë e rusisë për të vijuar sulmet simultane në shumë akse avancimi. Ushtarët cecenë kanë qenë të përfshirë në konfliktin në ukrainë që nga 2014, kur tensionet u ndezën në donbas dhe tani, më shumë se 7 mijë prej tyre raportohet se janë në Ukrainë.