Turma të mëdha njerëzish u mblodhën në kryeqytetin iranian Teheran në ditën e dytë të ceremonisë së varrimit të Presidentit, Ebrahim Raisi. Raisi vdiq së bashku me ministrin e Jashtëm Hossein Amir dhe gjashtë persona të tjerë në një aksident me helikopter të dielën pranë kufirit me Azerbajxhanin. Ceremonia nisi me udhëheqësin Suprem të Iranit, Ajatollah Ali Khamenei, që udhëhoqi lutjet, përpara se arkivolët e veshur me flamurin iranian të futeshin në sheshin Azadi. Autoritetet kanë kërcënuar ndjekjen penale për këdo që del në protestë kundër funeralit, apo që fyen në internet Presidentin e ndjerë dhe ministrin e Jashtëm. Agjencia e lajmeve AFP thotë se disa banorëve në Teheran iu dërguan mesazhe që u kërkonin të merrnin pjesë në ceremonitë e së mërkurës. Ritet e varrimit për burrat filluan të martën në qytetin e Tabrizit dhe qendrën klerikale shiite të Qomit.