Një 25-vjeçar ka rënë në prangat e policisë së Tiranës, në kuadër të operacionit ‘Mbikalimi’. Uniformat blu pasi kanë marrë informacion në rrugë operative se në një automjet po lëvizte një person i armatosur, finalizuan arrestimin e të riut. 25-vjeçari po qarkullonte me automjetin e tij me një armë zjarri dhe armë të ftohtë. Në një njoftim zyrtar, policia bën me dije se arrestimi I të riut u bë në afërsi të mbikalimit të Rinasit nga forcat Shqiponja dhe shërbimet e komisariatit numër 6 në kryeqytet. 25-vjeçarit gjatë kontrollit që iu bë nga efektivët, përpos armës së zjarrit dhe thikës, iu gjetën dhe uniforma si të policisë. I riu akuzohet për veprat penale "Mbajtja pa leje dhe prodhimi i armëve, armëve shpërthyese dhe i municionit", "Prodhimi, mbajtja, blerja apo shitja pa leje e armëve të ftohta" dhe "Mbajtja pa të drejtë e uniformës".