Policia ka vënë në pranga një 23-vjeçar në Kamëz, i cili lëvizte i armatosur. Fillimisht, i riu po lëvizte me motor, teksa policia i kërkoi të ndalonte, por nuk iu bind urdhrit. Megjithatë, tentativa për arratisje përfundoi shpejtë dhe u kap pas ndjekjes. Gjatë kontrollit, policia gjeti në motor një pistoletë me fishekë dhe një maskë. Ndërsa në banesën e 23-vjeçarit u gjetën një armë gjahu dhe një armë sportive. Në pranga ra edhe pasagjeri që ndodhej më të në motor, një 18 vjeçar, për moskallëzim krimi. Të dy të rinjtë janë arrestuar dhe çështja i ka kaluar Prokurorisë së Tiranës.