Dy persona janë arrestuar nga policia e Lezhës, pasi akuzohen për dhënie ndihmë të shtetasve për kalim të paligjshëm të kufirit. Në prangat e policië kanë rënë Fatbardh Gjini, 30 vjec banues në Fushë Krujë dhe Arsen Bufi 33 vjec banues në Durrës. Nga njoftimi zyrtar bëhet me dije se këta shtetas u kapën duke transportuar 13 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt pagesës. Uniformat blu bënë me dije se Gjini dhe Bufi u arrestuan në flagrancë, ndërsa në automejtet tyre tip Volksëagen ” dhe “Citroen” po transportoheshin këta shtetas drejt Kosovës. Njëri prej tyre u arrestua në autostradën Milot-Morinë, në Skuraj, dhe tjetri në Kurbin, Mirditë. Materialet i kaluan Prokurorisë pranë Gjykatës së Shkallës së Parë Lezhë dhe Kurbin, për veprime të mëtejshme procedurale, për veprën penale “Ndihma për kalim të paligjshëm të kufijve”, e kryer në bashkëpunim.