Rebelët sirianë që tani kanë në dorë vendin, janë vënë në kërkim të vëllait sadist të Asadit, i cili vrau gati 2,000 njerëz në një sulm me gaz helmues dhe drejtoi trafikun e drogës në Sisi. Maher Hafez al-Assad njihej si njeriu më i ashpër brenda familjes Assad, me babain e tij që besonte se ai do të ishte i papërshtatshëm për të udhëhequr Sirinë. Që nga viti 2011, Maher është konsideruar si "ekzekutuesi" i Asadit. Ai konsiderohet edhe përgjegjësi për sulmin e parë me gaz helmues, në luftën në siri, në Ghouta, që është quajtur edhe krimi më i rëndë i luftës i këtij shekulli. SHBA tha se në atë sulm u vranë 1,429 njerëz, 426 prej të cilëve ishin fëmijë. Dy zona të kontrolluara nga opozita në periferi rreth kryeqytetit Damask u goditën nga raketa që përmbanin agjentin kimik vdekjeprurës sarin. Pasi inspektorët nga Misioni i Kombeve të Bashkuara inspektuan vendin e tmerrit, ata dolën në përfundimin se kishte "prova të qarta dhe bindëse" që ishte përdorur gaz sarin. Forcat e Bashar al-Assadit u fajësuan për sulmin nga Liga Arabe dhe Bashkimi Evropian. Në atë kohë, Komandanti i Përgjithshëm i të gjitha forcave të armatosura të Sirisë ishte Assadi, por forcat elitare të Sirisë komandoheshin nga vëllai i tij më i vogël Maher.