Një ngjarje e rëndë ka ndodhur në bregdetin e Shëngjinit, ku pesë shokë që kishin hyrë në det janë përballur me dallgët e forta, duke mos mundur dot të dalin në breg. Sipas informacioneve paraprake, dyshohet se të rinjtë janë marrë nga rrymat dhe dallgët e detit. Si pasojë dy prej tyre kanë humbur jetën, ndërsa tre të tjerët ndodhen në spital në gjendje të rëndë për jetën. Të rinjtë nga Kosova, shokë me njëri-tjetrin ishin futur në det për t’u larë, si pasojë e dallgëve të shkaktuara nga era e fortë, ata u vendosën në vështirësi. Menjëherë qytetarë që ndodheshin aty u nisën me Jet Ski bashkë me shërbimet e policisë dhe bën të mundur nxjrrjen nga deti të pesë të rinjëve nga Kosova. Ata u nisën me urgjencë drejt spitlait të Lezhës, por dy prej tyre nuk mundën ntë mbijetonin. Ngjarja ndodhi rreth orës 16:30, ndërsa një grup hetimor po punon për sqarimin e plotë të shkaqeve të këtij rasti të rëndë.