Komisioni Europian vlerëson se objektivi për të përmbyllur të gjithë kapitujt e negociatave të anëtarësimit për Shqipërinë është i realizueshëm. Për këtë qëllim, komisioni po përgatit një plan për të përcaktuar prioritetet operacionale të nevojshme për të adresuar boshllëqet e mbetura drejt pranimit si vend anëtar, ku Qeveria shqiptare ka vendosur si afat vitin 2030. Kryeministri Edi Rama ka theksuar vazhdimisht fundin e vitit të ardhshëm si afat kohor për përmbylljen e negociatave dhe 2030 si afat për anëtarësim. Aktualisht, procesi i zgjerimit nuk funksionon me data fikse, megjithatë në fjalimin e gjendjes së unionit të Presidentes se KE, Ursula von der Leyen ajo foli për një udhërrëfyes konkret për vendet kandidate që kanë bërë më shumë përparim. Në Ballkanin Perëndimor, Mali i Zi dhe Shqipëria konsiderohen si dy vendet pararojë në procesin e bisedimeve të anëtarësimit me BE.