Ka përfunduar takimi mes ministrave të jashtëm të vendeve të BE dhe një delegacioni iranian, I mbajtur në Gjenevë të Zvicrës. Pas takimit të zhvilluar, si një përpjekje për të lehtësuar konfliktin mes Iranit e Izraelit, pati prononcime të shkurta për mediet nga aktorët pjesëmarrës. Nënkryetari i Komisionit Evropian thotë se përshkallëzimi rajonal “nuk i sjell dobi askujt” dhe kjo është arsyeja pse “duhet t’i mbajmë diskutimet të hapura”. Ndërsa nga ana e saj shefja e diplomacisë europiane Kaja Kallas shton se të dyja palët ranë dakord të diskutojnë çështje bërthamore dhe “çështje më të gjera”. Sekretari i Jashtëm i Mbretërisë së Bashkuar, David Lammy, tha se “ne ishim të qartë, Irani nuk mund të ketë armë bërthamore”. Ai shton se ai dhe kolegët e tij ministra të jashtëm evropianë janë “të prirur” të vazhdojnë “diskutimet e vazhdueshme” mbi negociatat me Iranin. “Ne i bëjmë thirrje Iranit të vazhdojë bisedimet me Shtetet e Bashkuara”, thotë Lammy, duke shtuar se “ky është një moment i rrezikshëm” dhe është “jashtëzakonisht e rëndësishme” që të mos shohim një përshkallëzim rajonal të konfliktit midis Iranit dhe Izraelit.