Ministria e arsimit ka vendosur ti heqë licensën kopshtit privat në Fier, ku një fëmijë 3 vjec humbi jetën në mënyrë tragjike, ndërsa deri më sot ende nuk është kuptuar se nga se vdiq i mituri. Ngjarja tragjike ndodhi mesditen e 7 janarit, ku I mituri humbi jetën në momentin që ai po vishte xhupin e tij, të cilin e mori te varësja e rrobave. Policia tha se 3 vjecarit I ngeci kapuci i xhupit dhe u mbyt, duke ndërruar jetë në mënyrë të menjëhershme. I mituri u gjet I shtrirë nga edukatoret e kopshtit, ndërsa menjëherë pasi policia dhe ambulanca shkuan në vendin e ngjarjes, trupi I pajetë u transportua në morgun e Fierit. Redina Binjaku 27 vjeç, edukatorja e kopshtit privat u vu në pranga nga policia me akuzën se ishte treguar e pakujdesshme ndërkohë që fëmija i mitur ishte nën përgjegjësinë e saj. Vdekja e 3 vjecarit mbetet mister për një arsyje, që kopshti refuzoi të kthente kamerat e sigurisë për të parë lëvizjët e tij të fundit. Vetëm pak javë nga ngjarja e rëndë, duket sikur autoritetet thuajse e kanë harruar, ndërsa familjarët vuajnë humbjen e thellë.