Rreth 1000 shkolla në Angli janë mbyllur dhe disa prej tyre përfundojnë mësimin më herët, si pasojë e temperaturave ekstrem të larta që kanë përfshirë vendin. Pjesë të Anglisë Jugore kanë regjistruar temperatura deri në 37 gradë Celsius, por ekspertët e motit paralajmërojnë se temperatura e perceptuar nga njerëzit mund të jetë edhe më e lartë për shkak të lagështisë dhe kushteve atmosferike. Autoritetet kanë paralajmëruar për nxehtësi ekstreme në disa zona të Anglisë. Paralajmërimi ka hyrë në fuqi dhe do të mbetet aktiv deri të enjten në orët e mbrëmjes, duke sinjalizuar rrezik të lartë për shëndetin e popullsisë dhe ndërprerje të mundshme në shërbimet publike. Shkollat kanë marrë masa për të mbrojtur nxënësit dhe stafin nga temperaturat e larta, ndërsa autoritetet u bëjnë thirrje qytetarëve të shmangin ekspozimin e panevojshëm në diell, të konsumojnë sa më shumë lëngje dhe të kujdesen veçanërisht për grupet më të rrezikuara.