Shtetet e Bashkuara kanë miratuar shitjen e pajisjeve të mbrojtjes ajrore Ukrainës , me vlerë 2.68 miliardë dollarë, pas kërkesave të përsëritura të Kievit për mbështetje që synojnë të zmbrapsin sulmet e ashpra ruse. Departamenti i Shtetit ka raportuar për Kongresin, se ka marrë vendimin për të miratuar një shitje të mjeteve ushtarake për qeverinë e Ukrainës, e cila ka të bëjë me përmirësimin e sistemeve të mbrojtjes ajrore, si dhe pajisjeve dhe shërbimeve përkatëse. Sipas Departamentit të Shtetit, Ukraina kërkoi raketa klon S-300, raketa GAM-67, sisteme raketash të drejtuara me lazer për mbrojtje ajrore me rreze të zgjeruar veprimi, komplete modifikimi për lëshuesit dhe radarë kundër dronëve, sipas njoftimit të dërguar Kongresit. Paketa përfshin gjithashtu rimorkio për direkë të montueshëm, pjesë këmbimi, softuer dhe shërbime mbështetjeje inxhinierike dhe logjistike.