Një sipërmarrës japonez i sushit pagoi një rekord prej 3.2 milionë dollarësh për një ton blu gjigant të hënën në një ankand prestigjioz të përvitshëm, që mbahet menjëherë pas vitit të ri, në tregun kryesor të peshkut në Tokio, duke thyer rekordin e mëparshëm të të gjitha kohërave.Dave Gershman në ekipin ndërkombëtar të peshkimit të Peë Charitable Trusts shfrytëzoi lajmin e ankandit për të theksuar se rezervat e tonit blu të Paqësorit po përmirësohen pasi kishin shkuar më herët "pranë kolapsit". Zinxhiri i restoranteve të sushit të të vetëshpallurit "Mbreti i Tonit" Kiyoshi Kimura pagoi çmimin më të lartë për peshkun 243 kilogramësh që u kap në brigjet veriore të Japonisë. "Mendova se do të ishim në gjendje të blinim pak më lirë, por çmimi u rrit para se ta kuptonim", tha Kimura pas ankandit që u mbajt para agimit në tregun kryesor të peshkut në Tokio. "U habita me çmimin... Shpresoj që duke ngrënë ton, njerëzit të ndjehen me më shumë energji", u tha ai gazetarëve. Çmimi prej 510.3 milionë jenësh në ankandin e Vitit të Ri ishte më i larti që kur filluan të mblidheshin të dhëna të krahasueshme në vitin 1999. Maksimumi i mëparshëm ishte 333.6 milionë jen për një peshk bluefin prej 278 kilogramësh në vitin 2019, pasi tregu i peshkut u zhvendos nga zona tradicionale Tsukiji në Tokion qendrore në një strukturë më moderne. Ofertuesi më i lartë vitin e kaluar pagoi 207 milionë jen për një Ton Blu prej 276 kilogramësh. Menjëherë pas ankandit të këtij viti, toni u pre dhe përdor për sushi.