Mbështetja e britanikëve për monarkinë, është përkeqësuar gjatë dekadës së shkuar, sipas një sondazhi të CNN, cka edhe sugjeron se mbreti Charles III përballet me sfida serioze që prej fillimit të mbretërimit të tij. Ai, u kurorëzua të shtunën si shefi i një institucioni që ka mbijetuar me shekuj të tërë, pavarësisht trazirave dhe problemeve të brendshme. Tani më shumë se një e treta e britanikëve të rritur thonë se opinioni i tyre për familjen mbretërore është bërë më negativ nga sa ishte 10 vite më parë. Vdekja e mbretëreshës elizabetë, shtatorin e kaluar, i dha fund një ere të përcaktuar nga dedikimi i palëkundur i monarkes ndaj detyrës, në mes të kohëve që po ndryshonin shpejt. Vetëm 21 për qind thanë se këndvështrimet e tyre për familjen mbretërore janë bërë më pozitive gjatë dekadës së shkuar, me 41 për qind të tjerë që thanë se opinioni i tyre në përgjithësi, nuk kishte ndryshuar.