Mbreti Charles III mbërriti në Berlin të mërkurën në kuadrin e udhëtimit të tij të parë si monark i Britanisë, me synim përmirësimin e marrëdhënieve me Bashkimin Evropian, si dhe në një përpjekje për të fituar zemrat dhe mendjet e njerëzve jashtë vendit, ashtu siç pati bërë nëna e tij për shtatë dekada me radhë. Së bashku me Mbretëreshën Camilla, ata mbërritën pasditen e të enjtes në aeroportin qeveritar në Berlin. Mbreti i veshur me një pallto të zezë dhe mbretëresha me një pallto blu të lehtë dhe një kapele me pupël, u ndalën në krye të shkallëve të avionit, për t’u pritur me një përshëndetje prej 21 të shtënash topi. Ndërkohë dy avionë luftarakë fluturuan mbi ta.