Mbretëria e Bashkuar i trembet përshkallëzimit të një konflitki në Lindjen e Mesme. Kryeministri Keir Starmer kërkoi de-përshkallëzim të konfliktit mes Libanit dhe Izraelit. Reagimi erdhi pas lajmit se forcat izraelite kishin qëluar objektet e përdorura nga forcat paqëruajtëse të Kombeve të Bashkuara në Libanin Jugor. “Mendoj se është me të vërtetë e rëndësishme që mesazhi të de-përshkallëzohet. Jam shumë i shqetësuar për situatën në Liban, në Gaza dhe përshkallëzimin në përgjithësi në lidhje me konfliktin. Kështu de -përshkallëzim”, tha ai. Kreu I qeverisë tha se ka ardhur koha që të gjendet një rrugë politike dhe diplomatike përpara se të nis një luftë rajonale. “Jam shumë i shqetësuar që jemi në prag të përshkallëzimit në Lindjen e Mesme, na duhet e kundërta”, nënvizoi kryeministri britanik ndërs au bëri thirrje të githë aleatëve që të veprojnë. Sulmin ndaj forcave paqëruajtëse e dënoi edhe Sekretari i Përgjithshëm i OKB-së Antonio Guterres që e cilësoi si "shkelje të së drejtës ndërkombëtare humanitare".