Komiteti teknik i ekspertëve ka dalë sot në një konferencë për shtyp lidhur me situatën e koronaviruait në vendin tonë si dhe masat kufizuese antiCovid. Drejtoresha e Institutit të Shëndetit Publik deklaroi se ka një rënie të madhe të rasteve pozitive me Covid 19. Mesatarja ditore e rasteve të diagnostikuara me koronavirus ka zbritur në 172 nga mbi 200 që ishte. Përveç Tiranës është vënë re një numër i lartë rastesh pozitive edhe në tre qarqet Gjirokastër, Berat dhe Korçë. Komiteti i Ekspertëve vendosi të aplikojë një karantinë 14 ditore për të gjithë ata qytetarë që duan të hyjnë në vendin tonë nga Greqia dhe Maqedonia e Veriut. Masa e karantinës do të nisë nga dita e nesërme dhe do të qëndrojë në fuqi deri më 3 maj. Sipas Mira Rakacollit një masë e tij merret pasi këto vende fqinjë kanë ende shifra të larta ditore të infektimeve. Ndërkohë nxënësit e vitti të parë dhe të dytë që kanë qenë në mësim online do të mund të fillojnë mësim në klasë. “Shifrat e përmirësuara tregojnë se drita po duket, kemi ende rrugë. Subjektet politike të tregohen të përgjegjshme”- tha Mira Rakacolli në prononcimin për mediat.