Partnershipi i ri mes SHBA-së, Mbretërisë së bashkuar dhe australisë, Aukus, që ka shkaktuar tensione të forta mes këtyre tre vendeve dhe Francës, do të diskutohet nga ministrat e jashtëm të Bashkimit evropian në një takim informal në mbrëmje, takim ky që do të udhëhiqet nga përfaqësuesi i lartë i BE për politikën e jashtme, Josep Borrell, në margjinat e asamblesë së përgjithshme të Kombeve të Bashkuara në Nju Jork. Lajmi është konfirmuar nga një zëdhënës i bllokut. Kjo është mundësia e parë për të diskutuar pasojat e Aukus, shpjegon zëdhënësi, duke shtuar se takimi i shefave të diplomacive të BE-së zhvillohet rregullisht gjatë eventeve të këtij lloji, sic është asambleja e përgjithshme e BE-së. Franca por edhe bashkimi evropian reaguan me zemërim pas njoftimit për paktin që synon të zbrapsë fuqinë në rritje të kinës në rajonin indo-paqësor me Parisin që e cilësoi atë një thikë pas shpine dhe me bllokun evropian që tha se nuk ishte njoftuar në avancë për të.